Kancelarja Angela Merkel ka thënë se Gjermania ka një përgjegjësi të pafund për të kujtuar krimet e luftës të nazistëve, pasi ajo bëri udhëtimin e parë kur ishte në detyrë në kampin e vdekjes së Aushvicit në Poloni.

Përgjegjësia ishte “pjesë e identitetit tonë kombëtar”, tha ajo, transmeton portali arbresh.info.

Vizita e saj vjen në mes të një rritje të antisemitizmit gjerman dhe përpara 75 vjetorit të çlirimit të kampit.

Regjimi nazist vrau rreth 1.1 milion njerëz, shumica dërrmuese e tyre hebrenj, në Aushvic – Birkenau.

Zonja Merkel u shoqërua në vizitën e saj nga kryeministri polak Mateusz Morawiecki dhe një i mbijetuar nga kampi i vdekjes, 87-vjeçari Bogdan Stanislaw Bartnikowski.

“Kujtimi i krimeve … është një përgjegjësi që nuk mbaron kurrë. Ai i përket në mënyrë të pandashme vendit tonë,” tha zonja Merkel.

“Të jemi të vetëdijshëm për këtë përgjegjësi është pjesë e identitetit tonë kombëtar, të vetëkuptuarit tonë si një shoqëri e shkolluar dhe e lirë … një demokraci”.

Gjermania vazhdoi të kishte “turp të thellë” për atë që ndodhi në Aushvic-Birkenau.

“Nuk ka fjalë për të shprehur dhimbjen tonë,” tha zonja Merkel.

Zonja Merkel pranoi gjithashtu ngritjen e antisemitizmit në vendin e saj, duke thënë për të luftuar atë “historia e kampeve shfarosëse duhet të ndahet”./arbresh.info/